Gikumpirma sa gobyerno sa Afghan Taliban nga ilang giatake ang mga tropa sa Pakistan sa pipila ka mga bukirong lugar sa utlanan sa duha ka mga nasud.
Ang Taliban nag-ingon nga kini kabahin sa ilang “pagpanimalos nga mga operasyon” human nga gibombahan sa Pakistan ang usa ka merkado sulod sa teritoryo sa Afghanistan ning bag-o lang ..
Gitawag sa Pakistan ang mga pag-atake nga “Unprovoked ” ug miinsistir nga gipunting sa grupo ang mga sibilyan. Matod pa ni Interior Minister Mohsin Naqvi nga ang mga pwersa niini motubag sa usa ka ” stone for every brick,” ,” nga nagpasidaan sa Taliban.
Ang duha grupo gikataho nga naggamit ug gagmay nga mga armas ug artilerya sa rehiyon sa Kunar-Kurram. Daghang mga lugar lakip ang Angoor Adda, Bajaur, Kurram, Dir, Chitral ug Baramcha ang naapektuhan.
Apan sumala sa Taliban, gilapas kuno sa Pakistan ang ilang soberanya pinaagi sa pagpamomba sa lalawigan sa Paktika, diin daghang mga tindahan ang naguba.
Photo Courtesy to:france24
