Misaka na sa 10,914 ang kinatibuk-ang ihap sa mga aftershocks human sa magnitude 6.9 offshore earthquake nga miigo sa Cebu, base sa pinakabag-ong datos nga gipagula sa Philippine Institute of Volcanology and Seismology (Phivolcs).
Sumala sa Phivolcs, gikan sa maong ihap, 1,886 ka aftershocks ang nadetect pinaagi sa duha o labaw pang mga monitoring device, samtang 45 niini ang mas nabati sa mga residente.
Ang kusog sa mga aftershocks nag-range gikan sa magnitude 1 hangtod 5.1, sumala sa pagmonitor sa Phivolcs Station sa Medellin, Cebu.
Samtang, 831 ka aftershocks usab ang narekord human sa magnitude 7.4 ug 6.8 offshore earthquake nga miigo sa Davao Oriental.
Sa maong ihap, 349 ka aftershocks ang narekord ug 13 niini ang nabati sa mga lumulupyo sa rehiyon. Ang kusog sa mga pag tay-og nag-range gikan sa magnitude 1.2 hangtod 5.8, base sa Phivolcs Station sa Mati City.
Padayon ang pagmonitor sa Phivolcs sa mga mo sunod nga pag tay-og ug nagpahimangno kini sa publiko nga magpabilin nga alerto ug andam batok sa mga posibleng aftershocks.
Photo credit: PHIVOLCS
