Subling gisaka sa National Disaster Risk Reduction and Management Council (NDRRMC) ang Red Alert Status ang kinatibuk-ang NDRRMC Operations human maigo ang magnitude 7.4 na linog sa Davao Region.
Subay sa memorandum nga gipirma ni OCD Deputy Administrator for Operations Asec. Cesar Odio, epektibo na ang maong estatos sa alerto nga magsugod kagahapong adlawa alas 12:00 sa udto.
Ilalom sa kamanduan makigtambayayong ang Armed Forces of the Philippines (AFP), Philippine Coast Guard (PCG), Philippine National Police (PNP), Bureau of Fire Protetion, mga personahe gikan sa Department of Interior and Local Government (DILG), Department of Social Welfare and Development (DSWD), ug labi na ang Department of Health (DOH) na maghatag usab sa ilang report sa NDDRMOC alang sa paspas nga koordinasyon sa ahensya aron sa pagtubag sa mga panginahanglanon sa tanang mga apektadong residente.
Lakip sa mga ahensya, mga lider sa nasud ug ang Philippine Institute of Volcanology and Seismology (PHIVOLCS) musalmot sa mga Virtual Emergency Operations Center alang sa monitoring ug assessment sa rehiyon.
Photo courtesy to:NDRRMC
