Andam na ang Department of Agriculture nga manguna sa konstruksyon sa farm-to-market roads humay masayran sa pagdungog sa Senado nga pipila sa mga proyekto sa Department of Public Works and Highways halos overpriced.
Kini ang giluwatan ni Agriculture Secretary Francisco Tiu Laurel Jr., sa pagpadayon sa deliberasyon sa Senate Committee on Finance sa proposed 2026 budget sa DA ug attached agencies.
Gitumbok ni Senador Sherwin Gatchalian, chairman sa Senate Committee on Finance, ning adlaw’ng Miyerkules ang mga overpriced FMR projects niadtong 2023 ug 2024 miabot sa P10.3 bilyones.
Matud ni Gatchalian, kalakip niini ang nagpadayong proyekto sa Barangay San Roque sa Tacloban City, Leyte nga gikonsidera nga “most overpriced project” sa kantidad nga P348,432 per meter.
Gumikan niini, mipasalig si Tiu Laurel nga makigkoordinar sa local nga panggamhanan, farmer’s group,independent auditors ug third-party surveyors dungan nga sila mugunit sa mga Farm to Market Roads Projects.
