Gimando sa kagamhanan sa dakbayan ug ubang lugar sa Eastern Visayas ang pagsuspenso sa klase sa tanang lebel ug trabaho sa mga buhatan sa gobyerno Biyernes sa hapon, nunot sa magnitude 7.4 nga linog nga miigo sa baybayon sa Manay, Davao Oriental.
Si Mayor Alfred Romualdez niisyu sa Executive Order No. 2025-10-57 nga nagdeklarar nga suspensiyon sa klase ug trabaho isip usa ka precautionary measure, bisan pa nga ang tsunami warning gipaubos na.
Si Mayor Remedios Petilla sa kasikbit nga Palo nipagawas usab og susamang suspensiyon. Ang lungsod sa Palo maoy host sa Government Center diin nahimutang ang rehiyonal ug probinsyal nga mga buhatan sa mga ahensya sa gobyerno.
Gimandoan ni Romualdez ang tanang departamento sa kagamhanan sa dakbayan, uban sa koordinasyon sa City Disaster Risk Reduction and Management Office ug mga opisyal sa barangay, sa paghimo ug preemptive evacuations, pagpausbaw sa pagmonitor sa mga dapit sa kabaybayonan, ug pagsiguro sa tukma sa panahon nga pagsabwag sa impormasyon ngadto sa matag komunidad.
Ang linog, nga nahitabo alas 9:43 sa buntag, nag-aghat sa Philippine Institute of Volcanology and Seismology sa pag-isyu og tsunami warning alang sa silangang dagat sa nasod.
Source: Philippines News Agency
