Gitun-an sa Malacañang ang pagsumiter og kasong sedition ug treason alang sa mga indibidwal nga adunay plano sa kudeta. Usa ka makuting pagtuon kalabot sa pagpasang-at usab sa mga nahisgutang kaso ngadto sa pipila ka retiradong opisyal sa militar.
Kini nunot sa gikatahong pagpahigayon og kudeta aron hugnuon ang liderato sa administrasyong Marcos. Sumala ni Presidential Communications Office Undersecretary ug Palace Press Officer Claire Castro, nga tun-an ang pagpasaka og treason human nasayod si President Ferdinand Marcos sa destabilization plot.
Samtang gi-angkon ni AFP Chief of Staff General Romeo Brawner Jr., nga aduna’y pipila ka retiradong opisyal sa military ang nanawagan sa AFP nga bakwi-on ang suporta kang President Marcos Jr. nunot sa giingong i-regularidad sa mga flood control project diin nalambigit ang pipila ka mga kaalyado sa kasamtangan administrasyon.
Photo Courtesy to:Bluprint
