Napalgang patay ang usa ka 42-anyos nga lalake nga giila nga si Jefferty Licera, single ug usa ka person with disability kon PWD didto sa ilang panimalay sa Purok 5, Barangay Tibal-og, Santo Tomas, Davao del Norte, pasado alas-4 sa hapon niadtong Oktubre 7, 2025.
Sumala sa imbestigasyon sa kapulisan, ang igsuon sa biktima nga si Jane Licera, 37-anyos, usa ka housewife, ug residente usab sa maong lugar, maoy nakadiskobre sa biktima nga nagbitay gamit ang pula nga liston kon shoelace nga gisab-it sa bintana sa iyang kuwarto.
Daling gikuha sa igsuon ug gibutang sa salog ang lawas sa iyang igsuong PWD sa paglaom nga buhi pa kini.
Sa pagresponde sa Sto. Tomas Municipal Police Station, nga gipangulohan ni PMaj. Eduardo Corpuz, nakabsan na kini ug gibutyag nga walay timaan sa foul play nga nakita sa maong insidente.
Sa pagkakaron, ang lawas sa biktima anaa sa funeral homes sa Tagum City, sa giingong probinsya alang sa iyang pagpahaluna.
Photo for Ilustration credits to:Daily News
