Wala pa mahuman ang away ni Manny Pacquiao.Kini ang gikompirma kagahapon sa Filipino icon nga mobalik siya sa boxing ring karong Enero 24, 2026 sa Las Vegas human matapos ang iyang upat ka tuig nga pagretiro ug nakigsangka kang Mario Barrios niadtong Hulyo.
Sa video gikan sa Indistry Media, gibutyag ni Pacquiao (62-8-3, 39 knockouts), nga mag-47 anyos na sa Disyembre, ang eksaktong petsa sa iyang pagbalik sa aksyon.
Wala pa mopahibalo og kontra si Pacquiao, apan naa na sa iyang listahan si World Boxing Association (WBA) welterweight champion Rolly Romero (17-2, 13 knockouts).
Sa usa ka media appearance sa miaging semana alang sa “Thrilla in Manila 2” nga kapistahan, si Pacquiao niingon nga iya nang gituki ang iyang away ni Romero.
Si Pacquiao mosuway paglabaw sa iyang record, nga iyang natala niadtong 2019 dihang iyang gipildi si Keith Thurman alang sa samang WBA title sa edad nga 40.
Hapit niya makuha ang bakus sa World Boxing Council gikan sa Barrios niadtong Hulyo 19 sa Las Vegas, nga natapos sa majority draw.
via: AP
