Mikunhod og halos 14 porsiyento ang kaso sa mga focus crimes sa tibuok nasud gikan Hulyo hangtod Setyembre karong tuiga.
Base sa datos sa Crime Research and Analysis Center (CRAC) ubos sa Directorate for Investigation and Detective Management (DIDM), 8,988 ka kaso sa focus crimes ang natala karong 2025 mas ubos kini kumpara sa 10,430 ka kaso sa parehas nga panahon niadtong 2024.
Pinakadakong pagkunhod ang natala sa kaso sa rape nga mitala sa 33.03% (gikan sa 2,280, nahimong 1,527); gisundan sa carnapping sa motor vehicle nga mikunhod og 28% (gikan sa 97, nahimong 69); ug murder nga mikunhod og 24.19% (gikan sa 1,021, nahimong 774).
Padayon usab ang pagkunhod sa uban pang krimen sama sa homicide, robbery, theft, physical injury, ug motorcycle carnapping.
Sumala ni Acting Philippine National Police (PNP) Chief PLTGEN Jose Melencio Nartatez Jr., ang pagkunhod sa kaso sa krimen usa ka hulagway sa dedikasyon sa kapulisan ug pagsalig sa publiko sa pambansang pulisya.
Photo Courtesy to:PNA
