Nahugno ang Piggatan Bridge nga nahimutang sa lungsod sa Alcala, Cagayan kagahapon, Oktubre 6, 2025 nga maoy nahimong ikaduhang tulay nga nahugno sa rehiyon karong tuiga.
Sumala pa nga pipila ka mga ten wheeler-truck ang nitabok sa maong tulay dihang kini nahugno. Pito ka mga tawo ang samdan sa maong insidente diin dali usab nga gidala sa ospital.
Ang nasangpit nga steel bridge nga adunay gitas-on nga 74.70 metros gikataho nga anaa na sa maayong kondisyon sukad niadtong Oktubre 2024, base sa note sa Department of Public Works and Highways (DPWH) sa ilang website.
Sa pagkakaron, nanghatag og ayuda ang Task Force Lingkod Cagayan – Quick Response Team (TFLC-QRT) Amulung Station sa mga motorista nga kinahanglang moagi og alternatibong rota human nahugno ang tulay.
Samtang, gipaambit ni Gobernador Edgardo Aglipay ang iyang mga rekomendasyon kalabot sa nahugno nga Piggatan Bridge sa Alcala, Cagayan.
Nunot sa maong insidente, girekomenda sa gobernador ang paghimo og integrity assessment sa mga tulay sa tibuok probinsiya.
Kahinumduman nga niadtong Pebrero, nahugno usab ang bag-ong gi-retrofit nga Cabagan–Santa Maria Bridge sa lalawigan sa Isabela nga niresulta sa pagkahulog sa upat ka sakyanan sa Cagayan River.
Photo Courtesy: The Manila Times
