Kapin 20 ka tawo ang namatay human sa landslide ug pagbaha nga miigo sa Darjeeling, India.
Base sa report, tungod kini sa kusog nga ulan nga miabot og 300 millimeters sulod lang sa usa ka gabii.
Tungod sa kusog nga ulan, misaka ang tubig sa mga suba ug naguba ang pipila ka tulay ug kalsada sa maong lugar.
Matod ni Harsh Vardhan Shringla, usa ka senador sa India, kapin 20 ka residente ang napasangitan sa kalit nga pag-ulan ug pagguho sa yuta.
Si Prime Minister Narendra Modi nagpahayag sa iyang kaguol sa maong insidente ug nagpasalig nga gipaningkamotan karon sa gobyerno nga matabangan ang mga apektadong lugar.
Gipadayag usab sa West Bengal Chief Minister nga daghang dapit ang nabahaan ug naguba, lakip na ang duha ka tulay ug kadalanan.
Nagpasidaan ang mga eksperto nga ang epekto sa klima ug dili planadong pagtukod sa mga dapit nga kabukiran maoy usa sa mga hinungdan sa pagtaas sa mga insidente sa landslide ug pagbaha sa India.
Photo Courtesy to:Northeast India24
