Sikop ang usa ka drug suspect nga giilang si alyas “JR” sa gipahigayon nga search warrant operation pinaagi sa Davao de Oro Police Provincial Office og pakigtambayayong sa Pantukan Municipal Police Station.
Ang operasyon gihimo sa Barangay Kingking, Pantukan, Davao de Oro, isip kabahin sa padayon nga kampanya sa probinsiya batok sa ilegal nga drugas.
Nakuha gikan sa suspek ang pipila ka sachet nga adunay sulod nga puti nga crystalline substance nga gituohang shabu.
Ang mga nasakmit nga mga butang gimarkahan, giimbentaryo, ug gidokumento sa presensya sa usa ka representante sa media ug usa ka lokal nga napili nga opisyal, subay sa Section 21 sa Republic Act 9165, o nailhan nga Comprehensive Dangerous Drugs Act of 2002.
Ang dinakpan nga suspek gipahibawo sa iyang constitutional rights ug anaa na sa kustodiya sa Pantukan Municipal Police Station alang sa tukmang dokumentasyon ug pagpasaka og kaso.
Photo Courtesy to:Davao de oro Provincial Office
