Kapin 313,000 ka tawo o 94,744 ka pamilya ang naapektuhan sa Bagyong Paolo sa Ilocos, Cagayan Valley, CAR, Central Luzon, ug Calabarzon, sumala sa NDRRMC.
Pinakadaghan sa Central Luzon nga adunay 246,306 ka apektado. Kapin 3,000 ka tawo ang nagpabiling sa evacuation centers, samtang 5,000 pa ang nanimuyo sa ubang lugar.
Gireport usab ang pagbaha sa 19 ka lugar, samtang 27 ka balay ug 6 ka imprastraktura ang nadaot. Pipila ka kalsada, tulay, ug pantalan ang dili pa magamit, ug adunay brownout sa 16 ka lugar.
Tungod sa bagyo, 342 ka lugar ang nagsuspinde sa klase ug 128 ang nagsuspinde sa trabaho.
Si Paolo mi-landfall sa Dinapigue, Isabela niadtong Oktubre 3 ug mibiya sa PAR isip severe tropical storm niadtong Oktubre 4.
SOURCE: PNA
