Pormal nga gidawat ni Senador Francis ‘Chiz’ Escudero ang show cause order nga gisang-at sa Commission on Elections (Comelec) batok kaniya kalabot sa P30 milyones nga kantidad sa donasyon nga giingong iyang nadawat atol sa 2022 elections.
Matod ni Escudero nga ang iyang pagdawat sa kamanduan sa komisyon maoy kahigayonan nga iyang mapakita nga wala siyay nalapas nga balaod sa miaging elections.
Dugang pa niya nga andam siyang motubag ug magpakita nga dili tinuod ang mga pasangil ug akusasyon batok kaniya kalabot sa pagkadawat sa maong donasyon.
Sa laing bahin, kahinumdoman nga niadtong Sabado, ang Comelec niduso og show cause order batok kang Escudero, alang sa pagpangayo ug katin-awan ngadto sa senador kalabot sa maong kantidad.
Base sa Article 11 sa Omnibus Election Code, hugot nga gidid-an ang mga contractor o bisan mga sub-contractor sa pag-apod-apod og mga donasyon ngadto sa mga kawani sa gobyerno.
Photo Courtesy to:Rappler
