Nakatakdang mag-uban ang tulo ka departamento sa lokal nga panggamhanan sa syudad aron nga mas pakusgan ang information-education campaign ngadto sa kabarangayan.
Sa nilabayng semana, gibutyag ni Jade Adecer, Information Officer nga ang ilahang buhatan sa City Information Office, makig-uban sa CLENRO ug Community Affairs Office aron nga ilahang dus-an ang pag-edukar ug pagpasabot sa katawhan ngadto na sa kabarangayan kalabot sa saktong pag-atiman sa basura.
Sumala pa ni Adecer nga angayang masabtan sa kadaghanan nga kini nga problema dili lamang tungod sa garbage collection apan magsumikad pa diha sa tagsa-tagsa nga kahibalo ug disiplina sa katawhan nga dili magpasagad sa ilahang mga basura.
Dugang pa ni Adecer nga nakig-coordinate na sab sila sa mga barangay, pinaagi sa City Health Office aron nga mapahitabo kini nga lakang.
Photo courtesy: City Information Office
