Posibleng bisan ang Department of Health (DOH) aduna nay kaugalingong “flood control version” human gibutyag sa ahensya nga kadaghanan sa mga health center nga gitukod ubos sa Health Facilities Enhancement Program (HFEP) nagpabilin nga walay pulos (o walay gamit) tungod sa kakuwangon sa kawani (staff).
Matod ni Akbayan Partylist Rep. Chel Diokno, aduna matod pay korapsyon nga susama sa flood controls sa DOH busa kinahanglan nga imbestigahan ang ilang budget alang sa sunod tuig.
Si Appropriations Committee Senior Vice Chairperson Rep. Albert Garcia ang budget sponsor sa ahensya. Anaa sa P320.5 bilyon ang budget sa DOH alang sa fiscal year 2026.
Gidugangan ang pondo sa ahensya og P2.4 bilyon alang sa pagkumpleto sa mga legacy hospitals, P150 milyones alang sa children’s cancer treatment, ug P60 bilyon alang sa PhilHealth base sa direktiba ni Presidente Ferdinand Marcos Jr.
Apil sa pondo ang health insurance, medical assistance, cancer funds, health facilities urgent care centers, ug suporta alang sa mga health workers.
Atol sa budget deliberation, gikuwestiyon ni Diokno nganong 200 ra sa 600-ka health center nga gitukod ubos sa HFEP ang naggamit niadtong 2025 bisan pa sa paggahin og sobra P170 bilyon alang sa imprastraktura ug kagamitan niini sa miaging dekada.
Gikuwestiyon usab ni ML Partylist Rep. Leila de Lima ang minilyon nga kantidad sa hapit na ma-expire nga mental health drugs nga giingong gideliver (o gihulog) ni Secretary Ted Herbosa sa pribadong organisasyon nga Rotary Club of Quezon City Circle.
Sa dihang gipangutana ang ahensya, dili daw sila aware (o wala daw sila kahibalo) nga nahitabo ang delivery bisan pa sa sulat sa Rotary Club nga ilang giuli ang mental health drugs tungod kay wala nila kini gi-request sa DOH.
Bisan pa sa budget hearing sa executive department, naka-gawas pa kuno sa nasud si Herbosa paingon sa Boston ug New York sa Amerika.
Photo courtesy: Assistance.ph
