Mihimo ug makasaysayanong lakang ang Church of England pinaagi sa pag-assign kang Sarah Mullally, 63, isip unang babayeng Arsobispo sa Canterbury, ang kinatas-ang posisyon sa Anglican Church.
Si Mullally, kinsa nagserbisyo isip Obispo sa London sukad niadtong 2018, giordinahan karong semanaha aron ilisan si Justin Welby, kinsa mi-resign human sa kontrobersiya sa iyang kapakyas sa pag-report sa mga alegasyon sa pag-abuso batok kang John Smyth – usa ka kanhi Kristiyanong lider sa kampo nga giakusahan sa pisikal ug sekswal nga pag-abuso sa mga batang lalaki niadtong 1970s ug 1980s.
Sa wala pa moapil sa simbahan, si Mullally usa ka rehistradong nars ug nagserbisyo isip Chief Nursing Officer alang sa England, ang pinakataas nga ranggo nga nursing officer sa nasud. Siya miingon nga siya mibiya sa iyang medikal nga karera human mibati nga gitawag ni Kristo sa usa ka bag-ong ministeryo.
Ang iyang ordinasyon nakita nga usa ka makasaysayanon nga higayon alang sa Anglican Church, nga, bisan pa sa tradisyonal nga mga panan-aw, anam-anam nga naghatag sa mga babaye og mas dako nga papel sa sulod sa simbahan.
Ang Arsobispo sa Canterbury dili lamang ang lider sa Church of England kondili ang simbolikong pangulo usab sa kapin sa 85 ka milyon nga membro sa Anglican Communion sa tibuok kalibotan.
via: THE TELEGRAPH
