Pagawas na ang Severe Tropical Storm “PAOLO” nga anaa na karon sa kakusgon nga 110km/ 135km/h sa layong 240km West of Sinait, Ilocos Sur, ug mogawas kini sa Philippine Area of Responsibility (PAR) karong adlawa, apan adunay usa ka bag-ong Low Pressure Area ang kasamtangang gimonitor karon sa DOST-PAGASA gawas PAR, nga anaay gamayng tyansa nga mahimong bagyo ug lauman adunay kausaban niini sulod sa 24 oras, Oktubre 04, 2025.
Gilauman usab nga makasinati sa gihapon og posibleng pag-ulan ug pagdahili sa yuta gumikan sa Easterlies nga nakaapekto sa ubang bahin nasud hilabi na sa Probinsiya sa Davao del Norte.
Sumala sa ulahing datos nga gipagawas sa PDRRMO Davao del Norte, normal pa ang lebel sa tubig sa Menzi Bridge-Santo Tomas, Magupising Bridge-Tagum River, Pagsabangan Bridge, Libuganon River ug Saug Dam.
Samtang ang kahimtang sa kadagatan anaa sa 0.6 hangtod 2.1 meters ang pagbalod. Kabahin sa klima, natala ang minimum temperature nga 24.5°C alas 6:00 sa buntag ug maximum nga 29.3.8°C alas 11:00 sa buntag. Ang adlaw usab musubang alas 5:46 sa buntag ug mosalop kini alas 5:46 sa hapon.
Nagpahimangno ang mga otoridad sa tanan nga mag-amping kanunay tungod sa posibleng pag-ulan. Gikinahanglan nga magbantay sa mga kalikupan nga risgo sama sa baha, landslides, ug uban pang mga disgrasya nga dala sa posibleng nga pag-ulan. Siguroha nga magpabilin sa luwas nga lugar ug mag-andam sa mga kinahanglanon aron malikayan ang peligro.
Photo courtesy to: DOST PAGASA
