Base sa datos sa PAGASA, ang Bagyong PAOLO magdala og grabe nga pag-uwan karong adlawa hangtod ugma sa buntag, Oktubre 4.
Ang pinakakusog nga pag ulan nga mo-abot sa 200 milimetro masinati sa Isabela, Quirino, Ifugao, Mountain Province, Aurora, Nueva Vizcaya, ug Benguet. Samtang delikado kini sa mga kabukiran ug patag nga lugar nga daling maigo sa landslide ug pagbaha.
Gilauman usab nga makasinati og 100 hangtod 200 milimetro nga pag-uwan ang Cagayan, Apayao, Abra, Kalinga, Nueva Ecija, Ilocos Sur, La Union, ug Pangasinan.
Samtang, 50 hangtod 100 milimetro nga ulan ang posibleng masinati sa Ilocos Norte, Zambales, Tarlac, Bataan, Pampanga, Bulacan, Cavite, ug Batangas.
Ang Zamboanga Peninsula ug ang Misamis Occidental makasinati sa panalagsang pagdag-um ngadto na sa mapanganuron nga kalangitan inubanan sa katag-katag nga pag-ulan, kilat ug pagpanalugdog tungod sa mga Localized Thunderstorm. Posible ang pagbaha ug pagdahili sa yuta tungod sa mga severe thunderstorm. Hinay ngadto sa kasarangan nga hangin ang gikan sa habagatang silangan ngadto na sa habagatang kasadpang deriksyon ug ang kadagatan hapsay ngadto na sa kasarangan ang pagbalud.
Photo courtesy: DOST-PAGASA
