Giaprobahan sa Senado ang resolusyon nga nag-awhag sa International Criminal Court (ICC) nga ipaubos sa house arrest si kanhi Presidente Rodrigo Duterte.
Ang Senate resolution 144 nga gisang-at ni Senador Alan Peter Cayetano naaprobahan sa boto nga 15 ang pabor, 3 ang supak ug 2 ang ni-abstain.
Lakip sa mibotar og “No” mao sila si Senador Risa Hontiveros, Bam Aquino ug Kiko Pangilinan samtang ni-abstain sila si Senate President Tito Sotto ug Sen. Raffy Tulfo.
Ubos sa resolusyon, giawhag niini ang ICC nga ipaubos sa house arrest si Duterte tungod sa humanitarian reasons ug tungod usab sa iyang edad.
Ang resolusyon dugang nag-ingon nga kinahanglan nga itudlo ang usa ka doktor o medikal nga doktor aron sutaon kung makapadayon ba siya sa pagpabilin sa prisohan.
Kung makita sa eksaminasyon sa mga doktor nga ang padayon nga pagkabilanggo ni Duterte nakapasamot sa iyang medikal nga kondisyon, giawhag sa Senado ang ICC nga ibutang ang kanhi presidente sa house arrest.
via: Senate/ICC
