Gipangita sa mga kapulisan ang usa ka lungsod sa San Francisco Bay Area sa California, USA, ang usa ka agresibo nga squirrel kinsa nakabiktima og duha ka mga tawo nga gidala sa emergency room alang sa medikal nga atensyon.
Sumala ni Joan Heblack, sa usa ka interbyu sa usa ka giilang local media, nga naglakaw matud pa siya sa Lucas Valley sa San Rafael sa dihang ang usa ka squirrel kalit nga mitunga ug giatake ang iyang batiis, nangambras, ug mipaak.
Si Isabel Campoy, usa pa ka residente, gibutyag usab nga gi-atake siya samtang naglakaw sa samang dapit. Ang maong squirrel milayat ngadto sa iyang nawong ug nasamad pa ang iyang bukton tungod sa pagkambras og pagpamaak niini. Kahibaloan nga ang duha ka babaye gidala sa emergency room, matud sa taho.
Gi-post na karon ang mga flyer, nagpadayag sa TV og radyo og pagpilit og mga poster sa mga dalan, diin ang mga kapulisan nagpahigayon og Squirrel Hunt operation, nga nagpahimangno sa mga residente nga ang squirrel dili komedya ug kapin sa lima ka mga tawo ang giatake sa usa ka “very mean squirrel” nga naggikan “sa wala masayri.”
Photo courtesy to:ABC7 News bay area
