Usa ka ehemplo sa kalig-on ug determinasyon ang gipakita ni Daniel Villamor Quisa-ot taga Don Carlos Bukdinon, tungod kay wala niya gibiyaan ang iyang damgo sa sulod sa prisohan, nakahuman siya sa iyang engineering degree ug nakatapos pa gayud sa thesis.
Pagkagawas niya sa prisohan gisalmutan ni Daniel ang 2021 licensure exams ug napasar ang duha ka board exam ang Electrical Engineer ug Master Electrician.
Apan wala siya mihunong diha kay niadtong 2023, nakuha niya ang lisensya isip Master Plumber, ug niadtong 2024, midugang pa gyud og Plant Mechanic certification.
Karon, upat na ang iyang PRC licenses. Ang iyang estorya nagpakita nga bisan unsa pa ka lisod ang sinugdanan, posible gihapon nga makab-ot ang kalampusan kung adunay paglahutay ug determinasyon.
Ang tinuod nga sukdanan sa kalampusan dili kung asa ka nagsugod, kundili kung giunsa nimo ang padayon nga pagbarog ug pag-uswag.
via: DID YOU KNOW
