Gipaabot nga makasinati og panalagsang pagdag-um sa kalangitan ang Davao Region inubanan sa pag-ulan, kilat ug pagpanalugdug tungod sa epekto sa Southwest Monsoon o Habagat. Sumala sa 24-oras nga localized weather forecast nga gipagula alas 4:00 sa buntag, Setyembre 26, 2025, adunay posibilidad sa flashfloods ug landslides kung adunay masinati nga grabe nga thunderstorm.
Gisulti sa PAGASA nga kasarangan hangtod kusog nga hangin ang mosalir gikan sa habagatan-kasadpan nga direksyon ug magpahinabo sa dagat nga kasarangan hangtod baluron, nga posibleng moabot sa 2.5 hangtod 4 ka metros ang balod.
Sa Davao City, ang temperatura mokabat gikan sa 25 hangtod 32 degrees Celsius. Ang sidlak sa adlaw alas 5:30 sa buntag, samtang ang salop alas 5:35 sa hapon.
Kini nga forecast usa ka pahimangno sa publiko aron magmatngon batok sa posibleng epekto sa kalit nga pag-ulan ug malisud nga kahimtang sa dagat.
SOURCE: PAG-ASA DAVAO
