Walo ka mga establisiemento ang na-isyuhan ug Show Cause order sa subling paglusad sa Social Security System kun SSS Pagadian Branch ang Run After Contribution Evader kun (RACE), adlaw’ng Miyerkules, Septyembre 24, 2025.
Gipangunahan ang kalihukan nila Mr. Severo D. Corpuz CEO II SSS Pagadian, uban sila Miss Remy Marie N. Kisio, CEO II- AMS SSS Pagadian Branch, ug si Atty. Benjamin M. Walajan Attorney II Mindanao West Legal Department.
Subay sa nakalatid sa maong Show Cause Order, gihatagan ug 15 ka adlaw nga lugway ang tanang mga employer aron sa pag comply sa mga requirements nga gipangayo sa SSS.
Kun dili maka comply ang mga employer posebling mag atubang sa silot nga pagka bilanggo ug makamulta sa kantidad nga nakalatid sa balaod nga gipatuman sa SSS.
