Nagpatuman ang Pentagon og bag-ong polisiya aron hugtan ang paglihok sa mga peryodista sulod sa mga pasilidad niini, ilabina sa mga secured nga lugar, human sa sunod-sunod nga mga taho sa giingong pag-leak sa classified information.
Miingon ang Kalihim sa depensa sa US Pete Hegseth nga ang maong desisyon gipasiugda aron ang media dili na tugutan nga gawasnon mosulod sa mga sensitibo nga lugar sa Pentagon.
Gipahinumdoman sa Pentagon ang mga accredited nga mga peryodista nga obligado silang sundon ang mga panudlo sa opisina, labina kung nagdumala sa kasayuran nga wala gitugutan sa pagpagawas sa publiko.
Sumala ni Hegseth, ang bag-ong mga polisiya kabahin sa mga paningkamot sa Departamento sa pagpanalipod sa nasudnong seguridad ug pagpugong sa dugang nga mga paglapas sa impormasyon.
Dugang sa opisyal nga ang bag-ong palisiya wala gituyo aron pahilumon ang media, apan aron masiguro nga ang sensitibo nga datos dili mahulog sa mga kamot sa dili awtorisado nga mga indibidwal o organisasyon.
via: Andrew Harnik/Getty Images
