Nadikubrehan sa usa ka babaye sa nasud Taiwan ang iyahang dalunggan nga gipuy-an na matud pa og damang, tungod sa kasakit ug katingad-an nga mga tingog nga nadungog niini, miadto siya sa doktor og nahibal-an nga adunay buhi nga damang kon spider sa sulod.
Sumala niya nga upat na siya ka adlaw nga wala makatulog maong nagpadoktor siya. Sa paghiling sa iyang dunggan, usa ka buhi nga lawa-lawa ang nakita sa sulod nga sa ulahi gikuha ra usab.
Bisan pa sa nahitabo, wala maapektohan ang iyang eardrum, ug wala gisulti sa report kung giunsa pagsulod sa lawa-lawa sa dalunggan sa maong babaye .
Nasayran nga sa nasud Taiwan, ubay-ubay usab nga mga report ang adunay mga problema sa dunggan.
Karong bag-o lang, usa ka buhi nga alimango ang nakit-an sulod sa dunggan sa usa ka bata. Napalgan usab ang usa ka babaye nga adunay buhi nga uk-ok sulod sa iyang dunggan ug gioperahan kini aron makuha.
Photo courtesy: The Today show
