Pormal nga nipirma og Memorandum of Agreement (MOA) ang kapulisan sa Davao Norte Police Provincial Office (DNPPO) pinangulohan ni Davao del Norte, Provincial Director, PCol Alexander R Serrano Jr uban sa FELCRIS Group of Companies sa nilabay nga adlaw sa Marangal Hall, DNPPO Compound, Tagum City alang sa pagpatuman sa Project CCTV 123.
Nagtumong ang maong panag-uban sa pagpauswag sa kaluwasan sa publiko ug pagpalig-on sa pagpugong sa krimenalidad ug mga paningkamot sa solusyon, koordinasyon ug pagpaambit sa CCTV footage alang sa paspas nga solusyon sa krimen.
Nagpakita ang seremonya sa presentasyon sa simbolikong CCTV 123 project marker, ug mga mensahe sa suporta gikan sa duha ka partido.
Sa mensahe nga gipaambit ni PCol Serrano, nagpasalamat kini sa FELCRIS sa ilang hugot nga suporta, diin gipasiugda nga ang kalinaw ug kahapsay makab-ot lamang pinaagi sa panag-ambit nga responsibilidad tali sa kapulisan, komunidad, ug pribadong sektor.
Nagtimaan ang kolaborasyon sa laing milestone sa pasalig sa DNPPO nga i-modernize ang pagpatuman sa balaod ug pagsiguro sa mas luwas nga Davao del Norte.
Photo courtesy:DNPPO fb page
