Gikumperma ni Department of Public Works and Highways (DPWH) Secretary Vince B. Dizon nga gimando niini nga e- “freeze” ang mga bank account sa mga nalambigit sa kontrobersyal nga flood control projects sa Bulacan Province.
Gipahibalo ni Secretary Dizon ang balita Setyembre 16, 2025, taliwa sa press briefing nga gipahigayon sa Bangko Sentral ng Pilipinas (BSP) uban ni Anti-Money Laundering Council (AMLC) Executive Director Atty. Matthew M. David ug BSP General Counsel Atty. Roberto L. Figueroa.
Isip aksyon sa mando ni Presidente Ferdinand R. Marcos Jr., si Dizon nagsulat ug nakigtagbo sa personal kang Executive Director David aron hangyuon ang tabang sa AMLC nga mahold ang bank accounts sa mga nalambigit sa mga kontrobersyal nga flood control projects.
Samtang gibutyag usab ni David nga naka-isyu na ang Court of Appeals og Freeze Order sa 135 bank accounts ug 27 ka insurance policies sa pipila ka mga personalidad nga una nang gipangayo ni DPWH Secretary nga mahatagan og Freeze Order ang ilang mga banko.
Nag-agad matud pa ang hangyo sa kalihim sa Section 7 sa Anti-Finacial Account Scamming Act (AFASA) kung diin mamahimong ma-hold ang funds para sa mga financial transactions nga gidudahang naggikan sa unknown o illegal source, o unlawful activity kauban ang “money muling” o ang paggamit og fictitious nga pangalan aron mapatuyok ang kwarta nga gikan sa hugaw nga pamaagi.
Photo courtesy:Philstar life
