Arestado sa mga sakop sa PNP-Drug Enforcement Group didto sa giabangan nga boarding house ang sa ka 40 anyos lalaki, sa Purok 9, 6th Street, Brgy. JP Rizal, Butuan City, atol sa gihimong search warrant operation, Septembre 16, 2025.
Naila ang suspek nga si Elmercito Canete Mantua alyas “MEGS”, 40 anyos, ulitawo, walay trabaho ug kasamtangang nagpuyo sa nasangpit nga lugar.
Ang operasyon pinasikad sa search warrant 2025-09-11-01, gipirmahan ni Presiding Judge Marigel s. Dagani-Hugo sa Branch 3 RTC, 10th Judicial Region, Butuan City, base sa paglapas sa Section 11 & 12, Article II sa RA 9165 o mas nailhan nga Dangerous Drugs Act of 2002.
Nakumpiska gikan sa suspek ang 11 ka pakete nga gituohang shabu nga motimbang og 200 gramos, nga ginabanabana nga nagkantidad og ₱1,360,000.00 (1.3 milyon pesos), lakip na ang nagkadaiyang drug paraphernalia.
Angayan Masayran nga notadong High Value Individual (HVI) ang suspek nga taud-taod nang gimonitor nga tigpayuhot sa illegal nga droga.
Gikustodiya na ang suspek sa PNP-DEG aron atubangon ang kasong paglapas sa RA 9165 o Comprehensive Dangerous Drugs Act of 2002.
Photo for illustration credits to: Common dreams
