Giawhag ni Norayah A. Acas, Provincial Director sa TESDA, Lanao del Norte, ang publiko nga mosalmot sa duha ka adlaw nga “World Café of Opportunities”, nga ipahigayon karong Setyembre 18,2025 sa Robinson’s Place Iligan, pinaagi sa kolaborasyon sa Public Employment Service Office (PESO) Iligan City.
Matod ni Acas, ang maong kalihokan usa ka dakong plataporma alang sa mga tawo nga nangita og oportunidad sa pagbansay ug trabaho. Samtang gilauman nga pinaagi niini, daghang Indibidwal ang makakat-on og bag-ong kahanas ug makapahimulos sa mga training programs nga gisuportahan sa TESDA.
Gihangyo usab ni PD Acas ang mga interesado nga bisitahon ang TESDA Provincial Office sa Barangay Maria Cristina, Iligan City, aron makapangutana ug magpakisayud sa nagkalain-laing kurso sa kahanas nga ilang gitanyag.
Ang TESDA Lanao del Norte nagpadayon sa pagtanyag og libre ug mga kalidad nga skills training programs nga makatabang sa mga Iliganon ug taga-Lanao del Norte, sa pagpalambo sa ilang kaugalingong kahimtang sa panginabuhi.
Tumong sa World Café of Opportunities usa ka inisyatibo nga nagtumong sa paghatag og direkta nga koneksyon tali sa mga skills trainees ug mga posibleng employer, samtang gisuportahan usab ang mga job seekers nga gustong mokat-on ug molevel-up sa ilang kahanas.
