Gi-anunsyo sa Commission on Elections (Comelec) nga nakatakdang iproklama isip ika-64 nga winning party-list representative ang 1st Nominee sa Gabriela nga si Sarah Elago.
Matud pa ni Comelec Chairman George Erwin Garcia, ang desisyon usa ka pagsunod sa Party-list System Act (RA 7941) ug apil na usab sa constitutional requirement.
Giklaro sa poll body nga ang kanhi gidaghanon nga 63 ka seats dili igo aron maabot ang 20% alokasyon alang sa party-list groups sa Kamara, hinungdan nga kinahanglan kining dugangan ug himuong 64 ka seats aron makaabot sa 20.4%.
Dugang pa sa komisyon, ang nahisgutang isyu ipailawom una sa usa ka Comelec en banc karong Miyerkules sa dili pa mogawas ang pinal nga desisyon kalabot niini.
Samtang, gikatakdang iproklama si Elago karong Huwebes, usa ka adlaw sa dili pa matapos ang Comelec en banc.
Photo courtesy: Sarah Elago
