Gikumpirma ni Cavite 4th District Representative Kiko Barzaga nga niresign siya sa House Majority ug sa National Unity Party (NUP). Ang rason sa iyang lakang mao ang internal party conflict.
Nalambigit usab ang batan-ong Kongresista nga nanguna sa pagpalagpot kang Speaker Romualdez, apan gihimakak ni Barzaga ang maong pasangil.
Gitataw ni Barzaga nga wa siyay isyu ni Speaker Romualdez apan iyang gibutyag nga dili na mosulti si DS Ronaldo Puno agig depensa sa reputasyon sa Kamara tungod kay nagmugna lang kini og negatibong imahe.
Matud ni Barzaga, nitumaw ang sayop nga interpretasyon sa iyang pamahayag sa party meeting diin ang bugtong niyang punto mao nga kon dili na makadepensa si Puno sa dungog sa Kamara, mas maayo nga mo-resign na siya alang sa kaayohan sa tanan. Siya niinsistir nga wa siyay negatibong ikasulti bahin sa performance ni Puno o sa House of Representatives.
Dugang pa, gisuportahan lang niya si Speaker Romualdez tungod kay mao man kadto ang direktiba sa partido, apan karon nga wala na siya ubos sa bisan unsang chain of command, nanawagan siya og makuting imbestigasyon batok kang Romualdez.
Partikular nga gitumbok ni Barzaga ang giingong mga iregularidad sa paggamit sa pundo alang sa flood control projects sa panahon nga si Romualdez ang naghupot sa posisyon sa caretaker sa iyang distrito human ang iyang amahan namatay niadtong Abril 27, 2024.
Photo courtesy to:Manila Bulletin
