Arestado ang duha ka suspek sa pagpatay ni Retired CCPO ug City Public Safety Office Chief PCol. Rolen Dela Cruz-Balquin, Septembre 8, 2025.
Kini human nasikop ang duha ka mga suspek sa joint operation sa PNP Anti-Kidnapping Group- Mindanao Field Unit-Cotabato ug uban pang operating units sa PNP batok sa duha ka suspek.
Kahibaloan nga si Retired PCol. Rolen Dela Cruz-Balquin gipatay niadtong Marso 19, 2022 sa Sinsuat Avenue, Mother Brgy. Rosary Heights, Cotabato City.
Ang mga suspek giila nga sila si Salem Edu ug Berting Abdullah kinsa nasikop sa Macapagal Verona Fort, Surigao City niadtong Septembre 8, 2025.
Sa pagkakaron ang duha ka suspek adunay Warrant of Arrest giisyu sa RTC 12 Judicial Region, Branch 13, Cotabato City, Maguindanao niadtong Hunyo 23, 2022, og mag atubang sa kasong murder ug Frustrated Murder.
