Gipasalig sa Department of the Interior and Local Government (DILG) nga imposibleng mahitabo sa Pilipinas ang bangis nga mga aksyong protesta nga nahitabo karon sa Nepal ug Indonesia sa mga isyu nga may kalabotan sa korapsyon.
Matud pa ni DILG Secretary Jonvic Remulla, bisan og alerto ug andam ang gobyerno sa bisan unsang posibilidad, dili kinaiya sa mga Pilipino nga modangop sa kapintasan sama sa pagpangguba o pagsunog sa mga edipisyo atol sa mga protesta.
Kalabot niini, nagpatawag og command conference ang DILG aron pag-andam sa mga contingency plans sa higayon nga adunay lapad nga protesta batok sa kurapsyon, nunot sa kagubot sa ubang kanasuran.
Gipasalig usab ni Remulla nga ang Philippine National Police (PNP) anaa sa maximum tolerance, ug gipahinumdoman ang mga opisyal sa kapulisan nga respetuhon ang katungod sa mga raliyista ug ipabilin ang kalmadong tubag.
Sa laing bahin, si PNP Acting Chief Lt. Gen. Jose Melencio Nartatez Jr. niingon nga ang kapulisan adunay security plan nga andam alang sa crowd control ug dispersal, kung gikinahanglan.
Karon, daghang grupo sama sa Tindig Pilipinas, Nagkaisa, Kalipunan ng Kilusang Masa, ug Siklab ang nagpahigayon og protesta sa EDSA Shrine aron sa pagkondenar sa giingong kurapsyon sa mga proyekto sa gobyerno sa pagsumpo sa baha
via: PHILSTAR
