Gitudlo ni French President Emmanuel Macron si Sébastien Lecornu isip bag-ong Prime Minister. Nga nahitabo pagkahuman lang sa usa ka adlaw nga napahawa si François Bayrou human siya mapildi sa confidence vote.
Ang 39-anyos nga si Lecornu usa ka kaalyado ni Macron, ug nagsilbi siya sulod sa tulo ka tuig isip armed forces minister. Sumala sa Élysée Palace gihatagan og responsibilidad ang bag-ong Prime Minister nga mangonsulta sa mga political parties ug ipatuman ang sunod nga budget sa France.
Kahinumduman nga dili uyon ang parliament sa proposal ni Bayrou nga nagkantidad og 44 bilyon euros, maong mipili ang National Assembly sa France nga pahawaon ang kanhing Prime Minister sa boto nga 364 – 194.
Photo courtesy of europe1.fr
