Gikumpirma sa Civil Protection sa Mexico nga napulo (10) ka mga tawo ang kompirmadong patay, ug 41 pa ang nasamdan, pipila kanila anaa sa kritikal nga kahimtang human sa insidente nga nahitabo sa Atlacomulco, Mexico, human nga ang tren nabangga sa usa ka double-decker nga pasaheroang bus nga kalit nga milabang sa riles.
Sumala sa inisyal nga mga taho, ang pampasaherong bus nagpadulong sa kapital sa estado sa dihang wala makamatikod sa nagsingabot nga tren. Tungod sa kakusog sa impact, nalabay ang ubang parte sa bus ug naguba ang bahin sa tren nga nabanggaan.
Ang mga personahe sa emergency services gilayon nga miresponde sa dapit aron sa pagluwas sa mga natanggong nga mga pasahero ug paghatag og medikal nga pag-atiman sa mga naangol. Gidala sila sa lainlaing mga ospital sa rehiyon.
Ang drayber sa bus anaa na sa kustodiya sa kapolisan samtang padayon pa ang makuting imbestigasyon aron masuta ang tinuod nga hinungdan sa aksidente. Gisusi usab kung adunay kakulangan sa seguridad sa pagtabok sa riles o kung adunay uban pang mga hinungdan sama sa pagkapakyas sa mga sistema sa pasidaan.
Ang mga awtoridad sa transportasyon ug ang kompanya sa riles gilauman nga maghimo usa ka hiniusa nga imbestigasyon aron mahibal-an ang responsibilidad ug mapugngan ang susama niini nga trahedya.
Ang lungsod sa Atlacomulco bahin sa Estado sa Mexico, nga naila sa busy nga trapiko sa riles ug sagad gigamit sa mga bus sa probinsya nga nagbiyahe sa kaulohan.
via: AP
