Gisiguro sa Department of Budget and Management nga preparado sila kung ingkaso nga ma-reenact ang budget sa sunod nga tuig ug padayon gihapon ilahang pagsusi sa mga kwestiyunableng mga item sa 2026 national budget hilabi na sa Department of Public Works and Highways (DPWH).
Matud pa ni Budget Secretary Amenah Pangandaman nga dako ang epekto niini sa ekonomiya ug importante nga maaprubahan ang 2026 budget hilabina nga walay mahatag nga serbisyo ug hinabang ang gobyerno sa katawhan kung walay pondo.
Dugang pa niya nga andam silang makigtambayayong sa kongreso alang sa mga kwestyunableng mga items.
Kahinumduman nga gibutyag kini ni Pangandaman ug DPWH Secretary Vince Dizon na dili molapas ug duha ka semana ang pag-review sa budget sa DPWH.
Nanawagan si Navotas Representative Toby Tiangco kay Bicol Party List Representative Alfredo Garbin nga dili biyaan ang isyu ug silotan si Representative Zaldy Co sa Insertion sa 2025 budget.
Photo courtesy to: PNA
