Nalakip gihapon sa Philippine Weightlifting Association ang Olympic gold medalist nga si Hidilyn Diaz-Naranjo nga mosalmot sa 2025 Southeast Asian Games sa Thailand.
Matod sa 34-anyos nga si Diaz, nagsugod na siya og grabeng pag-ehersisyo isip pagpangandam. Nahiapil siya sa line-up sa Team Philippines sa women’s 58 kg. kategoriya. Giangkon niya nga gikulbaan siya kay usahay bation niya ang kasakit sa iyang lawas.
Kahinumduman nga katapusang misalmot si Diaz niadtong Abril 2024 sa IWF World Cup sa Phuket diin qualifier kini alang sa Paris Olympics apan napakyas siya ug midaog si Elreen Ando.
Busy siya karon sa pagbansay-bansay sa iyang Hidilyn Diaz Weightlifting Academy sa Jala-Jala, Rizal.
Photo courtesy to:tatler asia
