Gipaniguro sa 26 ka mga nasud nga magpakatag ug mga sundalo sa Ukraine kung aduna nay masabotan nga ceasefire deal tali nila sa Russia.
Kini ang nahimong tubag sa mga European countries nga misalmot sa “Coalition of the Willing” summit sa France.
Matud ni French President Emmanuel Macron, gilayon sila nga magpadala ug pwersa aron dili usbon sa Russia ang gihimo niining pag-atake nga nagsugod niadtong 2022.
Na-storya na usab niini si US President Donald Trump, diin andam na usab matud pa magpadala ug mga sundalo ang US.
Gihangyo ni Trump ang mga European Union sa dili na pagpalit ug mga krudo gikan sa Russia.
Kahinumduman, naghimo na ug panagsabot sila Trump ug Russian President Vladimir Putin lakip si Ukraine President Volodymyr Zelensky aron iduso ang pagpa-undang sa giyera sa duha ka mga nasud.
Photo courtesy to: RBC- ukraine
