Girekomenda sa major party leaders sa House of Representatives nga ibalik nila ang 2026 National Expenditure Program (NEP) sa Department of Budget and Management (DBM).
Base sa gihimong pag-rebyu sa house leaders sa NEP, ilang nadiskubrehan ang seryoso ug sistematikong anomaliya sa 2026 NEP partikular na sa DPWH, DILG, PNP, ug DA.
Matud pa ni Deputy Speaker ug Antipolo Representative Ronaldo Puno nga dili nila masugdan ang deliberasyon kung nabalot sa anomaliya ug mga kuwestiyonableng budget allocations ang 2026 national budget.
Gibutyag ni Puno nga apil sa ilang nadiskubrehan ang mga flood control projects nga naay pareho nga kantidad, double appropriations, oversized lump sum nationwide allocations ilawom sa DPWH, mga report sa unsolicited proposals alang sa bilyones nga balor sa armas ilawom sa DILG/PNP, mga report sa allocation for sale scheme sa budget sa DA alang sa farm to market roads.
Nanawagan si Puno sa iyang mga kauban nga house members nga hunongon una ang pagtambong sa mga budget deliberations samtang wala pa masulbad ang isyu.
Photo courtesy to: Businessworld
