Nahitabo ang usa ka makalilisang nga aksidente sa Glória Funicular railway sa siyudad sa Lisbon Portugal sa dihang nadiskaril ang usa ka tren, nga miresulta sa kamatayon sa 15 ka tawo ug pagkaangol sa labing menos 20 ka uban pa.
Ang mga rescuer nga niabot sa dapit niingon nga daghang mga pasahero ang natanggong sulod sa tren dihang nadiskaril nga nagkinahanglan sa dinaliang medikal nga pagtagad. Sa mga naangol, siyam ang an ana-a sa grabeng kahimtang nga nanginahanglan espesyal nga pag-atiman.
Matod sa mga otoridad nga nilusad dayon sila og imbestigasyon aron masuta ang hinungdan sa aksidente. Dili pa klaro kung usa ka teknikal nga problema o uban pang mga hinungdan sa pagkadiskaril sa tren.
Ang Glória Funicular mao ang usa sa labing inila nga paagi sa transportasyon sa Lisbon, unang gitukod ug gibutang sa serbisyo niadtong 1885 kung asa nailhan sa paghatod sa mga turista ug mga lokal tali sa mga bahin sa syudad.
Ang tren adunay kapasidad nga 42 ka mga pasahero ug sagad mobiyahe sa mga lugar nga lisud maabot sa regular nga mga sakyanan.
Ang lokal nga kagamhanan nipadayag usab sa ilang pahasubo ngadto sa mga pamilya sa namatay ug nasamdan.
via: MSN
