Gikumpirma sa National Maritime Council (NMC) nga wala na sa West Philippine Sea ang barko sa People’s Liberation Army (PLA) Navy nga nalambigit sa banggaan niadtong miaging bulan.
Sumala ni Undersecretary Alexander Lopez sa NMC, nga wala na ma-monitor ang PLA Navy vessel 164 human kini malambigit sa insidente sa banggaan uban sa China Coast Guard (CCG) 3104 samtang gigukod kini sa Philippine Coast Guard (PCG) vessel nga BRP Suluan duol sa Bajo de Masinloc niadtong Agosto 11.
Kahinumdoman nga grabe ang kadaot sa forecastle sa barko sa CCG, nga karon giayo na sa usa ka naval base sa Hainan, China.
Dugang pa ni USec. Lopez, gilauman usab nga ipaayo ang Chinese Navy warship, bisan pa nga wala kaayo gihulagway ang kasamtangang lokasyon niini tungod kasagaran matud pa dili kini ipahibalo sa China sa publiko.
Photo courtesy to: realtalk philippines
