Gilauman nga moabot sa Maynila ang usa ka trade mission gikan sa China sa Oktubre aron mahatagan ug higayon ang mga negosyanteng Chinese nga makakita ug laing kapilian sa investment sa nasud.
Kini human makigtambayayong ang Pilipinas sa Global Investment Council (GIC) aron mag-organisa sa investment mission gumikan sa symposium nga gipasiugdahan sa Philippine Embassy sa Beijing ug sa Department of Trade and Industry-Philippine Trade & Investment Center.
Gihulagway ni Philippine Ambassador Jaime Flor Cruz ang symposium isip usa ka higayon aron makahimo og bag-ong partnership, taas nga higayon aron makadala og dugang maayong kaugmaon sa nasud.
Gihatagan sab ug gibug-aton ang kamahinungdanon sa pagbinayluay ug negosyo samtang gihandom sa duha ka nasud ang ika-50 nga anibersayo sa relasyong diplomatiko karong tuiga.
Gisaad sab ni Philippine Commercial Counselor Glenn Peñaranda ang kamahinungdanon sa forum sa paghulma sa interes sa merkado sa Pilipinas.
Kauban sa mga misalmot ang 40 ka mga negosyante gikan sa GIC, mga representante gikan sa China-Philippines Chamber of Commerce (CPCC), Chinese Entrepreneurs Association of the Philippines (CEPA), lakip na ang BdO China ug Liwayway.
Matud sa embahada, ang GIC usa ka non-profit ug non-government organization alang sa pagpadali sa mga international investment nga makuhaan ug kasinatian sa mga eksperto nga may kalabutan sa asosasyon sa negosyo ug industriya sa tibuok nasud.
Photo courtesy: the asian
