Nanawagan ang Catholic Bishops’ Conference of the Philippines (CBCP) sa katawhan nga makig-uban sa Season of Creation 2025, nga ipahigayon gikan Setyembre 1 hangtod Oktubre 4.
Sumala ni CBCP President ug Kalookan Bishop Pablo Virgilio David, kini nga panahon usa ka higayon sa pagpasalamat sa Diyos sa kinaiyahan, ug sa paglig-on sa papel sa katawhan isip mga tigbantay sa kalibutan.
Gipahibalo usab sa CBCP nga gi-aprobahan na ni Pope Leo XIV ang bag-ong “Votive Mass for the Care of Creation”, nga isulod sa Roman Missal, aron mahimong giya sa mga pag-ampo ug paningkamot alang ecological change .
Gipasiugda sa CBCP nga ang mga hulga sama sa climate change, pagkadaot sa kinaiyahan, ug sobra nga paggamit sa natural resources kinahanglan hatagan og seryosong pagtagad — kay kasagaran, ang mga kabus ang unang maapektuhan.
Tungod niini, gidasig sa simbahan ang tanan nga mag-ampo ug mag-amping sa kalibutan, magpakunhod sa basura, atimanon ang mga lasang, kadagatan, ug kawanangan, alang sa kaayohan sa umaabot nga henerasyon.
Photo courtesy of rcam.org
