Miabot na sa kapin sa 800 ka tawo ang namatay ug kapin sa 2,800 ang naangol human sa kusog nga 6.0 magnitude nga linog nga miigo sa sidlakanng Afghanistan kagahapon Setyembre 1, 2025.
Ang katalagman nakadugang sa krisis nga giatubang sa gobyerno nga gipangulohan sa Taliban, nga nagpadayon sa pag-antos sa grabe nga kagutom ug pagkunhod sa internasyonal nga tabang, samtang nag-atubang usab sa pinugos nga pagpauli sa mga refugee sa Afghanistan gikan sa silingang mga nasud.
Si Sharafat Zaman, usa ka tigpamaba sa Ministry of Public Health, miingon nga sila nanawagan alang sa tabang gikan sa internasyonal nga komunidad aron matubag ang gidak-on sa kadaot.
Sumala sa mga taho ang mga probinsya sa Kunar ug Nangarhar mao ang labing grabe nga naigo, nga adunay tulo ka mga baryo sa Kunar nga hingpit nga naguba kung asa sa Kunar miabot sa 610, samtang 12 ang namatay sa Nangarhar.
Samtang, ang Ministry of Defense nag-ingon nga nagpahigayon kini og 40 ka rescue flight, nagpalihok sa mga 420 ka tawo—lakip ang mga patay ug nasamdan—gikan sa hilit nga mga dapit ngadto sa mga hospital ug mga evacuation center.
Kini ang ikatulo nga dagkong linog nga miigo sa Afghanistan sukad nabawi sa Taliban ang gahum kaniadtong 2021.
via: POPNUGGETS
