Kinatibuk-ang 104 ka nga estudyante sa pre-school ug SPED ang nakadawat sa set of school supply ug snacks atol sa gihimong Distribution of School Supply activity pinaagi sa Juander Radyo Loyalista Incorporated- Bukidnon Chapter inubanan sa Juander Radyo Malaybalay didto sa Dalirig Elementary School Manolo Fortich kagahapon Agosto 30, 2025.
Ubos sa tema nga βPaghatag Pahiyom sa mga Bata, Kalipay sa Tananβ gitambongan ang kalihukan sa mga ginikanan ug magtutudlo, ilabina sa pagpanguna ni Principal Guia Susana ug nila teacher Kathrin Cofuentes ug uban pa.
Kini pinaagi sa koordinasyon ni Northern Bukidnon Cluster Head Genara Ancis, nga gisuportahan nila Malaybalay City Poblacion Cluster Head Romolo Jamisula, ug Northern Malaybalay Cluster Head Doming Ravidas, kauban ang uban pang mga coordinators sa maong dapit.Β
Mihatag usab sa Certificate of Appreciation ang tunghaan sa Juander Radyo agig pag-ila sa programa nga dili lamang naghatag og materyal nga gamit, kondili usab naghatag og inspirasyon ug kalipay sa mga kabataan aron mas ganado pa sila sa pag-eskwela.
βIndeed it takes a village to teach a childβ – mao kini ang tipik sa pamahayag ni Principal Susana sa paghatag pasalamat sa nahimong inisyatiba diha sa pagsilsil sa panunduman sa mga bata nga sila giatiman ug gigiyahan para sa maayong ugma.
Ang Juander Radyo malipayon nga bisan sa ginagmay apan kinasing-kasing kami naghatag kalipay sa mga bata ug sa komunidad βa simple act of kindness to pass forward.
