Gitambungan sa mga residente sa sa Purok 3, Mibolo, Barangay Tipanoy, Iligan City, ang orientation nga napahigayon kalabot sa mga nanag-unang mga kasayuran kung unsa ang Juander Radyo Loyalista Incorporated, nga gipasiugdahan sa Juander Radyo News Team.
Sa maong orientation gi-awhag ang tanan nga dili pa miyembro sa maong organisasyon nga magpa miyembro na kung asa walay registration fee, ang mahimong miyembro obligado nga motabang og 10 sentabos kung adunay motaliwan nga kaubanan sa organisasyon, ug ang pamilya sa nitaliwan makadawat og Php 5,000.00 death assistance.
Kini nga grupo gimugna sa tumong sa pagtabang sa mga kabus nga mamatyan og miyembro sa pamilya aron makaabag sa pagpamalit sa nag-unang panginahanglanon sa haya.
Gi-awhag usab ang tanan nga mag koordinator aron mas daghan ang matabangan.
Kung mag koordinator kinahanglan lamang nga adunay miyembro nga minimum 100 kabuok aron makadawat og 100% nga benipisyo sama sa Medical Cash Assistance ug uban pa.
Kinatibuk-ang Php13,000.00 cash isip Death Assistance usab, ang madawat sa pamilya sa coordinator lakip na niini ang usa ka sakong bugas, bulak, kape ug biskwit.
