Miresulta sa kagubot ang protesta sa Tel Aviv ug Jerusalem kini tungod sa nagpadayon nga gubat tali sa Israel ug Hamas.
Gibabagan sa mga demonstrador ang daghang kadalanan ug gisunog ang mga ligid sa sakyanan, hinungdan nga naparalisa ang trapiko sa pipila ka lugar. Ang kapulisan misulay sa pagpahunong sa kalihokan, hinungdan nga nagkasangka ang duha ka grupo.
Kasagaran sa mga nag-apil sa protesta mao ang mga paryente ug higala sa mga bihag nga gikuha sa Hamas, nga nag-awhag sa gobyerno sa Israel nga unahon ang negosasyon ug hunongon ang panagbangi.
Gidasig usab nila ang internasyonal nga komunidad nga motabang sa pagluwas sa mga bihag ug pagpangita og malinawon nga solusyon.
Tungod sa kasamok, pipila ka mga tawo ang gidakop sa kapulisan, samtang padayon ang pagbantay sa seguridad aron malikayan ang dugang nga kagubot.
Photo courtesy:Pinoy weekly
