Nagpadayag sa hingpit nga suporta ang National Police Commission (NAPOLCOM) sa pagkatudlo ni Police Lieutenant General Jose Melencio Nartatez Jr. isip acting Chief sa Philippine National Police (PNP).
Sa usa ka opisyal nga pamahayag, gikalipay sa komisyon ang desisyon sa bag-ong liderato sa PNP nga gilayong misunod ug mipatuman sa NAPOLCOM Resolution No. 2025-0531, nga nagsugo sa pag-reverse sa dakong guidelines sa hanay sa mga senior officials sa PNP nga nahitabo sa panahon sa kanhi hepe nga si PGen. Nicolas Torre III.
Sumala ni NAPOLCOM Commissioner, Vice Chairperson ug Executive Officer Atty. Rafael Vicente Calinisan, ang maong lakang ni Nartatez nagpakita sa iyang pagtahod sa mga proseso ug institusyon nga gipangbantayan ug gipatuman sa NAPOLCOM isip tighatag ug giya organisasyon sa PNP.
Gipadayag pa sa komisyon nga si Nartatez mismo ang hulagway sa “the best choice” nga mahimong lider sa nasudnong kapulisan, pinaagi sa iyang baruganan sa pagsunod sa legal ug institusyonal nga mga pamaagi.
Samtang, gidawat usab sa NAPOLCOM ang desisyon ni Nartatez nga tangtangon si PBGen. Jean Fajardo isip tagapamaba sa PNP – usa ka lakang nga naghatag og kahulogan sa panginahanglan sa pagtul-id sa sistema ug pagpahimulos sa papel sa Public Information Office (PIO) sa tibuok organisasyon.
Gihatagan usab ug gibug-aton sa pamahayag ang resolusyon nga gipatuman aron mapadayon ang disiplina, kaayohan, ug ang hapsay nga chain of command ilabina sa bahin sa pagpuli sa bag-ong liderato sa PNP.
Photo courtesy of facebook.com
