Duha ka bata ang patay samtang 17 pa kasagaran mga estudyante, ang samdan sa pagpamusil nga nahitabo sulod sa Annunciation Catholic School sa Minneapolis atol sa misa niadtong Miyerkules sa buntag (US time).
Ang suspect giilang si Robin Westman, giingong misulod sa tunghaan, gibabagan ang duha ka pultahan, ug walay puas nga nagpabuto sulod sa simbahan sa tunghaan diin gihimo ang misa.
Base sa inisyal nga imbestigasyon sa mga otoridad, giplano ang insidente kung asa posibleng gitun-an sa suspetsado ang mga kalihokan ug eskedyul sa tunghaan sa wala pa ang krimen.
Pipila ka minuto human sa insidente, nakit-an sab sa kapolisan ang lawas sa suspetsado duol sa tunghaan apan wala pa mahibaw-i kung nagpakamatay ba kini o napatay sa engkwentro.
Isip timaan sa simpatiya, gimando sa Presidente sa US nga si Donald Trump ang tanan nga mga bandila sa US sa mga opisina sa gobyerno nga ibutang sa half-mast hangtod sa Domingo.
Gikondenar ni Trump ang insidente ug misaad nga dugangan ang seguridad sa matag eskwelahan.
via: Aaron Nesheim
